原著：英國，丹尼爾·笛福

翻譯：英國傳教士，英為霖

抄錄：常ならむ

第十章

? ? 我自用呢啲功過格法子之后，覺得好多益處，心里安樂，自后我毋使到海邊嚟分心，獨系起我嘅屋呮，起屋嘅法子，上先已經(jīng)講過，依山畫地，做半邊月嘅樣子，??木柱排密做墻，共兩層，中間擠滿船上斬斷嘅大纜，又怕被風(fēng)吹倒，故此再??短木撐住，但要更用堅固嘅法子，喺墻之里外，??泥填實，喺外便嘅，約莫厚二尺，整到堅固，種啲草喺佢上頭，外便睇見好似一座泥城，十分好睇，墻里半邊月樣子嘅地，好似日間大屋噉，闊五十尺，深二十五尺，要??嘢遮住，可以避熱頭，又可以擋風(fēng)雨，因為呢處系熱地，落雨時，雨好大粒，貨物好容易壞，噉就揀樹嘅橫義枝，扎成屋頂，好似草房嘅屋面噉，俾樹葉遮密，雖然落雨，亦無妨咯，我先時已經(jīng)講及將搬嚟嘅貨物，都擠曬喺木墻里便，箇間屋處，但地系窄細，想攞貨物，要搬開箱篢，十分費事，故此要將山之凹處掘深啲，可以擠嘢，山之凹處好似石，其實系松軟嘅沙，好容易掘，向住沙掘前去，后來從右便彎曲掘前去，再去外便彎彎地掘通，就喺半邊月樣子嘅墻外，通出去，在外便望下，好似便門噉，十分合用，若遇著有不測嘅事，喺前便攻打嚟，就可以喺便門走出，不致受害，我掘沙時，亦兼做啲枱椅之類，得嚟坐立，若冇呢啲使用嘅物，實在毋便，但系木匠工夫，我未曾學(xué)過，獨系照書嚟做，工夫越覺好多，因為我喺呢處冇事，工夫雖多，亦冇乜緊要，初做時，??船中攞嚟現(xiàn)成嘅板，至到使遠，就斬樹做板，因冇鋸，只系??斧頭削木，故此使盡好多力，一棵樹不過做一塊板呮，及到枱椅做完，又做啲挨山洞嘅拱壁木架，可以擠什物，至到整好，就將各物件擺得齊齊整整，雖然初成個模樣，亦好似新開嘅鋪仔一樣，后來忽然想下，我自到呢處，總未曾寫落一部日記，因初到呢處，心亂如麻，要用各樣物件，亦毋齊備，如今枱椅都有，要將每日嘅事，寫曬出嚟，可以后來查察一千六百五十九年，九月三十日，難人辜蘇嘅日記，箇日我初到呢個絕望海島，身冇著落，冇啲什物，衣共帽失曬，想多謝神恩，毋知點開口，因深疑惑，自己是必會死嘅，有三個緣故，一件系被野獸食，二件系野人傷害，三件系絕糧餓死，有呢三件會死嘅事，又赑屃又驚慌，爭啲癲起嚟，但箇陣已經(jīng)挨晚，就喺大樹上歇宿，雖系落大雨，但因十分疚癐，故此一覺瞓到第朝早，箇時系十月初一日，開眼睇見好天，所坐只大船，系夜間被風(fēng)浪打佢抗喺沙上，心中好歡喜，意為可以得救，可惜同船嘅人俱皆沉死，若毋落細艇，或可得救，想到呢啲，毋禁得住赑屃，噉就順到沙灘，游水到船，越發(fā)傷心，若同船嘅人喺處，就大船雖壞，或者可以合力做只細艇，駛?cè)e處，或者遇救亦未定，但剩我一個點能做得呢，真正苦楚咯，箇日晏晝后，落雨到夜，都毋止，獨系風(fēng)息曬，自今日至到二十四日，搬船嘅物件，差不多搬曬，但搬嘢時候，俱在潮水當大，好彩得平安，獨系二十日，因所搬嘅嘢過多，致到跌落水，等到水退時，所有物件，仍然撈起好多，故此不甚蝕虧，但呢幾日雨多晴少，正系箇處落雨嘅時候，二十四日箇晚，成夜大風(fēng)，致到大船打壞，二十五日朝，毋見船身，獨系見斷木爛板，跟住潮水流嚟，深中赑屃，箇日毋做別樣事，但??搬嚟嘅嘢遮蓋穩(wěn)陣，可免潮濕，二十六日自朝到晏晝，想揾笪好地嚟起造房屋，可免野獸野人傷害，就揾到一處系磐石嚟，在山邊處嘅，就畫成做半邊月樣，便于起做，想出個法子，??木排密做墻，內(nèi)外共兩層，中間將斬斷嘅繩塞實，外便用泥填住，但自箇日至到三十日，毋做別樣事，獨系將海邊嘅貨物，搬曬嚟呢處，已經(jīng)覺得極辛苦，因為箇陣落雨多，三十一日，手揸火槍，出外巡下遇著一只山羊乸，就打死佢，箇只仔跟住嚟，因毋肯食嘢，怕會餓死，亦即時??槍打死佢，十一月初一日，喺山凹側(cè)邊海一個帳幕，收藏各樣嘢，呢個帳幕好大，故此將睡鋪搬入去，??大網(wǎng)吊住四只角，好似水手嘅床噉，而??幾合意，初二日，??箱篢疊成半邊樣，如同新月嘅城噉，得嚟保護自己，初三日，出去打獵，打死兩只雀，好似野鴨，味道亦極好，晏晝后，起手造一張枱，初四朝，限定每日做事嘅時候，共早餐，夜瞓各事，遇著好天，就早起身，必行游一兩點鐘，嚟舒暢筋骨，自后造事，到十一點鐘食晏，自十二點鐘至兩點鐘，因為好熱，故此?下，到下晝?nèi)匀辉焓?，呢兩日雖造別樣事，亦造枱仔，因未學(xué)過師，故此毋在行，亦好遲慢，但有人總未學(xué)師，想造物件嘅，亦究竟系共我相似呮，初五日，系禮拜日，毋造工夫，謹守安息，出外散步，見一只野貓，??槍打死佢，見佢皮色幾好，剝嘵擠埋，但佢嘅肉毋多好食，又見海鳥好多，又有好多種毋識佢嘅名，又忽然睇見海中爬起一只生物，睇真系海狗嚟，呢啲物系生在北海，如今喺南海見著，算系出奇，正在想??槍打佢，佢忽然縮入水里走去，毋見佢蹤跡，初六早，行游返嚟，就將枱仔造起，見佢樣子毋合式，故此略略改過，噉就做完枱仔嘅工夫咯。