好嘞，咁呀正所謂呀，氣就唞過一陣嘞，咁呀又處續(xù)唱一陣添，咁呀向各位哩又處攤一陣人情添，唱埋呢幾句，嚇，嘈吵各位發(fā)財耳，恭祝各位貴客，咁呀心想事成，等我又續(xù)唱嚇之無謂嘢先嚇。 所謂無親無近在身邊，無人照料系在幼年。 好在我生平一向系咁賤咖，咁就聽人使喚我毋拘。 不論老人和少嫩，哩，凡系我地同行眼目不全。 所以連氣有兩年在橋上便呀，一齊同聚在兩邊。 多少同行個之叔父輩喇，亦都常常為我，都系各自周旋。 因為我在橋上，晚晚如常同一致喇，所以師兄弟也曾系結(jié)識先。 晚晚如常都系有講有笑呀，時近就系民國十一年。 個陣時常都有兵戈險，忽然市面就會炮火連天， 街上突然就會聽到個之槍戰(zhàn)，所謂行家個個都系失明，真系躲避毋前。 我就立即，咁就一齊來引線，帶埋個個系閃一邊。 致使一眾老者，佢就將吾贊，所謂人人飲食，都系要我跟隨。 咁就日過月時，系交結(jié)就毋淺呀，偶然民國十二年個時先。 適逢個晚乃系微風(fēng)雨，寥寥可數(shù)系坐此橋。 咁就避雨立即下橋，去到個間華光廟呀，四人共聚響里邊。 各樣系傾談，所謂言也不少。 適逢個位孫生，佢就問起我嘞，個之生活點維持？ 佢就考問，我自小系學(xué)著多共少呀？ 佢都問我從師學(xué)藝，學(xué)物嘢先？ 唉！ 我聽到亦都未能向佢答語啰，幸得系旁邊有一個，共佢代我開言。 個個行家叫做系盲真，佢姓吳，原本就系番禺人。 佢聽到孫生來把我問呀，佢就連忙答上我個之底根。 就叫阿大叔，你若還將佢問呀，你問佢學(xué)到有物嘢歌文？ 我勸你亦無須來查問呀，歌詞系怎樣，佢都黑瞇擝。 孫生就回答，佢點樣將錢搵哩？ 佢既然毋會唱呀，怎樣生活來尋？ 吳真答呀，哼！ 你毋知，皆因佢只有幾句歌詞。 成支系歌詞，佢就全不曉，無非日日去到人地個門邊。 兩塊茅竹，咁就來做弦索子呀，佢話代為音樂，就去唱歌詞。 吳真講罷喇，就到孫生聽，咦！ 既然人想叫唱一支， 生答此言，佢話難以曉呀，孫生回答，唉！ 咁你呀他日點維持？ 你現(xiàn)在系無非年紀小咋，就可能埋去門邊， 人地哩，系無非睇你年紀小咋，若還年紀大喇，你又點撐持？ 唉！ 呢之哩，所謂若還哩，嚇，系人都毋會答個噃，點解哩？ 個陣年紀細吖嘛，嚇，點樣會答人地咖？ 呢啲哩，又系多得人哋呀，維持自己嘞，同我代答嘞，佢話孫生你唔好問喇，你問佢話唱成支嘢呀，哼！ 唔使交易呀。 佢不過，佢個個師傅跟埋出來，嚇，因為佢跟住個師傅咁咁咁咁，冚崩唥毋識也個，系靠指個啫，咁吖嘛！ 佢系靠呢幾句，呢幾支咁個爛木魚就唱嘅咋，無交易。 咦！ 咁點得，咁你大個呀，人地叫唱買嘢都有交易，你都無本事賺個噃。 咁個陣時幸得個孫，呢一個吳真呀，叫做盲真吖，與我代答吖。 一切哩，唉！ 都系多得佢咯。 不過咁，如若佢問起上來難講啰。 因為佢自細，先個兩年就跟佢出嚟喇，家下都系咁流蕩個咋，系呀。 咁點得深日后，大個就無人畀個啰噃！ 吳生話無都無法。 又到呢個盲雀，佢話毋嚴咁啦，佢話阿生，大叔，橫掂都系嘞，人人都咁鐘意呀，有咁多個收掛名徒弟嘞，咁你都收返個倒呀！ 嚇，因為同你出入都好，有些少睇到嚇哩都好噪。 因為佢個人咁聽使，想嚇你又可以做返點好心。 系哩！ 咁呀顧惜佢，毋使佢一世溜溜（liu1）逛呀。 咁噃，毋得，我毋系毋想，我一系就真系教，毋做得掛名個，掛名有物好呀。 系哩，不過咁噃，嚇，佢毋知有無能力噃？ 要擺酒喎。 唉，擺酒容易啦，擺黃酒，但佢入師一年，入師一年之后至擺酒都毋遲。 所以孫生就度一排，咁啦，除非佢系負責(zé)得到二分四銀，我家下講定啫噃，我姐姐毋知肯毋肯噃，若還我姐答允哩——嗱，佢叫佢個老母呀做阿姐個——所以哩嚇，佢話佢阿姐哩，做慣會，咁呀可以做一蚊會。 系哩，做十二份，咁呀爭多少可以俾埋，佢負責(zé)得到咩哩？ 孫生話完。 吳真話：唓！ 呢個衰仔呀，佢如果哩肯負責(zé)呀，毋講二分四，四分八銀佢都負責(zé)得起。 咁當(dāng)時孫生問嘅肯唔肯，我當(dāng)堂答應(yīng)啦。 嚇，有人肯教自己唄，哼，有毋肯個！ 好過揸兩塊竹馬夾。 個陣時都略識嘞，民國十一年啦嘛，呀，都略會咯，略會嚇個之弦音呀。 不過毋識，冇得拎去哩，冇哩，系嘅。 咁呀，所以呀一應(yīng)承咗，佢話咁呀，今日就正月廿六，佢話你二月初一哩去我屋企，等我睇過我阿姐答應(yīng)哩，我就收留你吧。 咁幸得哩，由于靈神輔助噃，佢哩就好迷信廣成寺嘅，所以佢哩嗰日，初一，一晨早去到佢處，我有個行家哩又同我去吖嘛，飲完茶去到哩，嚇！ 佢呀叫我坐落，咁呀問過廣成寺，問咗三筊圣杯，佢就應(yīng)承嘞。 啱啱阿姐買餸返來，問過佢阿姐，講畀佢聽。 點知呢之系呀，所謂哩嚇命里生成，命運注定啦。 因為佢個家人呀，最棹忌之江湖個盲公，到個，毋招接個，除著佢個仔個徒弟哩，就招接個啫，毋系就毋接嘅。 哈！ 點想人結(jié)人緣，嚴嚴佢個老母就鐘意。 嚇！ 佢話好呀好呀。 因為我哋把口乖吖嘛，一見到佢返來叫聲阿婆吖嘛，咁佢就歡喜啦。 系喇，所以一個人做后生哩，毋怕蝕底個，總言之呀，嚇，好口，毋錫力，咁哩嚇，咁就自然呀，嚇，有人指點咖嘞。 哩我就系嘞，我如果毋系哩，哼，邊處搵咁個師傅教自己哩？ 因為我個師傅孫生呀，毋系講大話，在河南地哩，就叫做教徒弟個唯一個嘞，吹亦會教你，彈亦會教你噃，唱會教你，卜算會教你，你毋學(xué)得系你個事。 咁呀，唉，皆由我地哩，家貧之過嘞，學(xué)佢嘢毋足，因為時間毋夠呀，民國十二年入師，至到民國個十四年，我就逃至香港，之后哩，學(xué)師不足，學(xué)藝不賢呀，就系我嘞。 唉，好彩哩，都學(xué)到普通些少搵食個門路呀。 無非哩都系揸住彈箏唱南音之過，所以一生人，由此哩，在孫生個門下呀，嚇，亦都得佢哩一番提攜，又都該定噃，哈！ 我同佢個老豆呀都非常有緣，有緣到點哩，待我慘過親生仔一般。 所以人生注定、有差分，自古話一個及一個，一人毋會合一人。 我共佢系伯爺都有些緣份呀，從來佢一向把外人憎， 點想我自從在佢子教訓(xùn)，咁就收為系佢徒弟人。 更重系諸般將我寵幸呀，皆因佢常常教我系極用心。 又但凡時節(jié)，佢就將我搵，回來沾羨又多勻。 致令系阿生心內(nèi)諗呀，佢話，佢系佢兒子親生， 從來咁耐未有將佢搵呀，竟然佢反向搵你數(shù)勻。 呢之生平系注定此名份呀，孫生教吾萬丈恩。 因何一樣，佢就毋將我教哩？ 嚇，音樂個般，佢就毋教我本人。 佢慌我學(xué)音樂，學(xué)會就會一生困喎，慌我哩忘卻南音。 佢話音樂雖然系可以將生活搵呀，毋似學(xué)唱南音，系咁斯文。 唉！ 講到我?guī)煾祵ξ伊?，好大個諗頭。 自從呀我地未入門哩，我個之師兄弟呢個又話先生你收著佢哩，我就教佢打鑼鈸，呢個又話先生你如果收著哩，收著阿煥哩，我就一定教佢玩二弦，呢個又話教我吹嘢，嚇，個個話定咖。 點想我?guī)煾溉雭?，教著我?guī)讉€月，哈，佢話你毋好學(xué)呀，咁呀，叫我搬咗去個之水寮別墅住喇，系盲公館住喇，叫做盲公館呀，咁呀河南有個館嘛，嚇，年年有得飲嘛，二月廿三呀師傅誕就，嚇，所以哩，我?guī)煾翟掽c解你毋好學(xué)哩？ 因為學(xué)著玩音樂哩，就梗系近之盲妹喇，梗系坐系盲妹腳下噃，嚇，咁呀人地食個之嘢哩，都系孝敬著盲妹先個，到尾你至有得食噃。 尤其是之盲妹哩，拖到去喇，有個拖婆，多多之好嘢挾曬畀過盲妹食，無你份呀。 咁毋似我自己唱嘢哩，我地舊時喎，唱嘢好矜貴個噃，一張枱，對住哩，一碟生果，一碟咸欖冰糖咁擺面前噃，一壺茶一只杯，擺正系度咖。 嚇！ 呢頭躉（放的意思）低個測板哩，呢頭有人斟茶埋嚟喇，有人對（dui2）舊生果埋來咖喇，咁矜貴個。 咁呀所以我?guī)煾翟捘阄愫脤W(xué)呀，系要學(xué)唱南音得，自己登臺，至有用。 佢話你估學(xué)玩椰胡哩，就坐人腳下喇，咁就所以毋教我玩嘢咖。 呢之系我地之師傅之用心。 哈，點想有一晚呀，我地個師兄亞坤同我，叫我?guī)谶^去陳記呀坐過幾個鐘頭返來，第二朝早足聞鬧著一朝。 嚇！ 你若還仲再有去，哈哈，佢話趕咗你出去，毋畀我返來喎，永遠不教個，咁巴閉個。 所以哩，我今后呀，講到音樂個層真系毋識因此故，咁呀叫我專學(xué)南音哩就系咁個理由喇。 唉，都可謂師傅用心千千萬丈呀，呢之哩，又都系該一半由人小半由天。 真毋錯，凡事哩要三思，佢系用心系好意，點知道有今時。 佢估永遠哩，個之南音都系舊日子呀，誰想潮流陣陣個新鮮。 佢估話各般效齊當(dāng)日一樣呀，致令佢迫我學(xué)系彈箏共唱詞。 當(dāng)時無可奈何由指點呀，光陰過去，把小又時天， 當(dāng)堂也曾做好多業(yè)呀，亦做到系龍舟唱句，系鄉(xiāng)渡亦走時。 皆因系個陣多立亂深，廣州城內(nèi)哩，常常都話炮火連天， 周時都有沖突，兩軍對面呀，所謂常時都有市面戒嚴。 我當(dāng)堂見不少呀，商場亦被打與火燒。 剛剛我在系廣州時期，就系咁亂呀，唉！ 幾多勞碌，系捱過得兩三年。 幸得系一眾人來，系多體貼，方才系渡過咁時機。 轉(zhuǎn)瞬系光陰來到民國十四年，就系罷工時。 廣州更重系人多了呀，真系睇來個之巡游萬千千。 喺喇，搞到我地唱嘢之人，系無可算呀，因為常常街上，都會有阻遲。 無可奈何就尋一見，咁就當(dāng)堂五月有一新鮮。 適逢有兩位在此，系港回轉(zhuǎn)呀，咁就相逢個陣，恨見得遲。 至有哀佢引我，來此地面呀。 師兄弟咁就兩人共計施， 運到系港地非常轉(zhuǎn)接呀，所謂左轉(zhuǎn)右轉(zhuǎn)至到來時。 究竟來港，我地如何艱辛轉(zhuǎn)折哩？ 哈！ 咁就難唱掂呀， 真系言不少呀， 非比如今，一遞水就可到田。