偏要發(fā)!!! 原詞里用“嚇”表示“呀”，我都改成了“呀”。

一段：

鼓板與胡琴呀，我要吿諸君，大家坐下來靜呀靜靜心呀，我來末唱一枝上海景呀，唱小曲倒也好算頂呀頂時新。

小小上海城呀，自古到如今，從前不過城里向市面興呀，城外末處處是荒墳呀，就是那市面浪冷呀冷淸淸。

外國人來通商呀，第一到上海城，城外頭夷場改呀改端正呀，大洋房五層替七層呀，從此末上海灘漸呀漸漸興。

上面有天堂呀，下有蘇杭城，過歇頂好要算上海城呀，各國末才要上海來呀，馬路浪真鬧猛，一夜到天明.

東面黃浦江呀，歇仔個大火輪，泥城橋畔邊就是跑馬廳呀，場化末大得無淘成呀。四通圍有到那十呀十里零。

一到跑馬訊呀，實在眞眞興，紅男綠女軋得來弗相信呀，衣裳末換得簇來來新呀，到那第三日跳浜鬧盈盈。

二段：

電車替汽車呀，快得勒像騰云，一路電車直到小東門呀，城里向城隍廟鬧盈盈呀，兩邊擺個攤頭末密呀密層層，

還有桂花廳呀，生意眞眞興，得意樓相對柴呀柴行廳呀，還有末九曲橋荷心亭呀，點春堂大架山好呀好風(fēng)景，

夜里城外頭呀，堂仔里鬧盈盈，長三時髦紅呀紅倌人呀，出堂差打扮得眞漂亮呀，新包車綱絲輪耀呀耀眼睛。

可惜要抽籤呀，才要來關(guān)門，要分三期禁呀禁乾凈呀，抽著個已經(jīng)是來關(guān)門呀，可惜那多多化漂亮好倌人。

大英大馬路呀，修作得殺辣淸，先施永安開勒篤兩對門呀，房子未高得來造七層呀，還有那花園末造呀造屋頂。

四馬路浪向呀，野雞密層層。老娘姨專門拉呀拉客人呀，一大半才是個江北人呀，掽掽俚殺千刀無呀無良心。