第4課 戰(zhàn)神廣場

Cornēlia Marcum dē Campō Martiō interrogat. (= Marcus ā Cornēliā dē Campō Martiō interrogātur.)

Marcus narrat: “Ibi cunctī virī Rōmānī consulēs creant.” (= Ibi consulēs ā cunctīs virīs Rōmānīs creantur.)

Consulēs rem publicam administrant. (= ā consulibus rēs publica administrātur.)

Populus Rōmānus totum Campum Martium complet. (= Totus Campus Martius ā populō Rōmānō complētur.)

Populus totum diem audit multōs ōrātōrēs.” (= Totum diem multī ōrātōrēs ā populō audiuntur.)

Cornēlia interrogat: “Ubi ōrātōrēs stant?”

Lucius: “Tumulus nōn magnus ab ōrātōribus conscenditur. Ita orātor bene audīrī et vidērī potest.”

Cornēlia: “Etiam ego ā patre in Campum Martium dūcī cupiō. Numquam Rōmam dūcor. Cūr semper domī relinquor?”

Iūlia: “Nōs puellae sumus, semper domī relinquimur. Numquam ā patre in Campum Martium invitāmur.”

Tum Lucius: “ā mē. Cornēlia, in Campum Martium invitāris!”

Etiam Marcus dīcit: “Ego puellās invitō! ā mē, puellae, invitāminī!”

Tum Marcus viam longam esse et populum interdum in Campō Martiō valdē clamāre narrat. (= Tum Marcus narrat viam longam esse et populum interdum clamāre in Campō Martiō.)

Puellās interrogat: “An clamōre terreminī, puellae?”

Iūlia: “Clamōre numquam terreor. Viā longā numquam fatigor!”