THE MYRMIDONS (ANT PEOPLE)

蟻人

Aeacus ōlim regēbat Aegīnam, quae nōmen suum cēperat ā nōmine mātris Aeacī, quācum Iuppiter sē in amōre iūnxerat. Iūnō, quae malōs mōrēs Iovis numquam tolerāre potuerat, hoc factum sēnsit et memoriā tenuit. Multōs post annōs omnibus quī in īnsulā Aegīnā vīvēbant mortem mīsit. "ō Iuppiter pater," Aeacus vocāvit, "Iūnō meum populum tōtum dēlēvit! Iuvā mē, fīlium tuum, quem amās et quem neglegere nōn dēbēs." Deus eum audīvit et sine morā coepit formīcās in hominēs mūtāre! Itaque Iuppiter, cui nihil est nimis difficile, virōs fēmināsque fēcit parvīs ex animālibus. (Vēritātemne dīcō, an nōn?)

Fīlius Aeacī erat Pēleus, cuius fīlius erat ille Achillēs, dux Myrmidonum.

?

A WEDDING INVITATION

結(jié)婚請(qǐng)柬

Salvēte, ō dī deaeque! Noster amīcus Pēleus magna consilia habet; nympham Thetidem in mātrimōnium dūcet. Vōs igitur ā mē, Iove, ad Thessaliam vocāminī. Exspectāte bonōs lūdōs et dulcēs epulās. Dēbētis autem dē hīs periculīs monērī: I. Quoniam Pēleus mortālis est, animus eius terrebitur sī nimis potentēs vidēbimur; II. Quī audet sine dōnō venīre, ā mē castīgābitur. Legite genera dōnōrum quae laudābuntur ab omnibus quī ea vidēbunt.

Tū sōla, ō dea Discordia, nōn vocāris, nam ā nūllō amāris. Sī veniēs, omnis deus in Olympō īrā movēbitur. Inter amīcōs discordia nōn dēbet tolerārī.

Poēnae dabuntur ab eō deō quī suum officium negleget. Valēte!