Ming Pao Weekly（1998.08.12）?

? ?資料轉(zhuǎn)自張國榮藝術(shù)研究會

林：(望住走近來的張國榮，用愉快的聲音說)呢！辣士里，面口好好睇喎，近來一定精神愉快啦。

張：冰姐，你面口都好睇啫，乜股票無損手咩？

林：蝕咗就唔諗佢啰。吃幾多著幾多，整定，以后都系唔好搞咁多野，又呢又路，到頭來，結(jié)局－樣。

張：我都系咁話，所以，我股票都唔買，你知我點解唔買股票嘛？就系受石天影響。記得多年前有一天，股災(zāi)，石天拍緊戲，打個電話問完價，呆咗成一個幾鐘頭，唔埋得位拍。見過石天果次的情形，今生都唔敢買股票。你話得啱啦，吃幾多，著幾多，整定。

林：嘉云臺有層樓最近賣咗呀？香港D物業(yè)賣曬，唔睇好前景呀？

張：嘉云臺層樓系賣咗，系唔睇好物業(yè)前景，重有物業(yè)未賣，我阿媽住緊果層都系我嘅，未賣曬。

林：聽講你最近心情好靚？

張：系呀，系番禺拍《九星報喜》好開心，呢個戲，會得嘅，因為拍時我有感覺，有感覺，就會收得，我唔系時時有感覺o架。

? ? 拍西片收到足

林：難得你肯贊，你哥哥周時唔俾面人，未拍先鬧都時常有o架啦。

張：要多謝百鳴，呢個時候開戲，為不少演員同工作人員提供就業(yè)機會。咁淡個市，好難得o架。

林：系唔系都要多謝你哥哥添呀，無你肯減價，百鳴計唔掂條數(shù)開唔成，大家都有機會就業(yè)啦。(坐在旁邊的張國榮的親戚黃小清插嘴：冰姐講呢句最啱哥哥聽嘞。)

張：(笑)冰姐呀，《九星報喜》好快就殺青，一月份，我上上海拍一部西片，今次無折頭呀，收到足，人地一毫子價都無減。噯，楊嘉珍你識佢，系佢搵我嘅，一陣佢會來。本來我要去柏林影展做評判，依加唔去啦。

林：做乜唔去喎，柏林影展評判噃，都幾抵去，可以同導(dǎo)演告假，佢叫乜名呀？

張：佢叫葉纓，大陸人，佢拍的電影系大陸好賣座，今次拍的系西片，百分之八十講英文，二十講中文，我演一個三十年代的中國共產(chǎn)黨員，系知識分子來o架。柏林影展要去成十三日…下次先啦。

? ? ?評審普遍心理

林：下次, 你估次次都搵你來評咩？下次另一班人甄選，未必睇上你。

張：我，好多戲拍啫，明年搵我拍戲的有許鞍華、嚴(yán)浩，嘿，唔知系唔系D人知我想搵退休金，所以猛搵我呢？

林：退休金你就唔使搵啦，我凈系想間你，你賣咗龜背灣間屋，又賣咗嘉云臺層樓，加上一百場演唱會的收入，咁多現(xiàn)金，如何處置？

張：唔理呢D架啦，冰姐，咁唔得閑，邊度理得呢D現(xiàn)金呀？

林：系唔系有個『銀行家』代你處理現(xiàn)金咁呀？

張：吃咩野呀，叫野吃吖。

林：我吃煙三文魚。

張：哈，你諗嘅同我一樣，我都諗住吃煙三文魚，你叫個湯吖，洋蔥湯好唔好呀？

林：好，我想問你，臺灣電影金馬獎，你估你系唔系得梗影帝呢？

張：得梗??？梗系唔系啦。

林：系呀嗬，人人睇好梁朝偉，竟然連提名都無，可見評審團(tuán)同普通觀眾始終唔系一伙，咁，你又覺得何人會系你對手呢？

張：以我咁多年經(jīng)驗，我地D熱門嘅最怕兩種人，一系老野，一系新丁。始終有D人情分嘅，老野就諗住，佢都做咗幾十年，今次唔俾，無機會啦；新丁則認(rèn)為佢咁新，做得咁好，不如俾佢。我好記得UFO一次，我同梁朝偉都有提名，大家都系 UFO 嘅戲，阮世生唔經(jīng)意話：俾(選票)偉仔啦，辣士里唔志在嘅，話我唔志在喎，提得我名，我梗志在o架。連阮世生都咁話，可見普遍心理認(rèn)為：佢攞咁多獎，佢唔志在嘅。今次金馬獎，苗天機會都幾高，苗天，系得o架。

　　不喜歡做棋子

　　林：辣士里呀，我記得《春光乍泄》公映時，你遲遲唔去睇，你好似有D怕面對呢部片。因為你同王家衛(wèi)拍的時候唔開心，你擔(dān)心佢將你的戲剪到好似一個大配角，搞到自己唔開心，所以，側(cè)側(cè)膊，遲遲唔去睇片，差不多落畫，兼且聽大多人講你表現(xiàn)好，你至去戲院睇。

　　張：系呀，小清陪我去睇嘅。果日我遲到，同偉仔床上果場始終未睇過，我唔擔(dān)心佢剪我戲！我表現(xiàn)咁好，佢舍得剪咩?？党窍滴易约哼砣ブ?，我同王家衛(wèi)唔開心，主要系因為我唔鐘意佢的方法，演員喺佢手上始終只系棋子，你做乜，你唔知，邊場系開始，邊場系結(jié)局，你亦唔知，任佢擺布，我喜歡有劇本，知道自己做乜。

　　林：但，你喺佢(王家衛(wèi))手上，最見光芒噃，你有今日，到依加仍有咁多好導(dǎo)演想用你，都同王家衛(wèi)拍咗一連串你有份的電影有關(guān)啦。

　　張：咁又唔凈止一個王家衛(wèi)拍得我好，陳凱歌都拍得我好。

　　林：要有好多好電影，才足夠證明你系一個好演員。如果凈系得一部《霸王別姬》，人地話撞彩啫。

　　張：咁又系。王家衛(wèi)有咁多好演員… 你唔好唔記得，佢唔系一個人的功勞，但有張叔平的剪接，有杜可風(fēng)的攝影。

　　激動倒瀉咖啡

　　林：咁，你都系王家衛(wèi)手上特別有光芒啫。我最鐘意的電影叫《阿飛正傳》，你呢？你覺得自己表現(xiàn)最好系邊部？

　　張：(諗咗成兩分鐘)我覺得我系《胭脂扣》表現(xiàn)最好。

　　林：唔系嘛，哥哥，因為唔鐘意王家衛(wèi)，唔情愿贊《阿飛》呀？我問你咯，以后王家衛(wèi)搵你拍戲，你會同佢合作嘛？

　　張：有緣千里能相會。

　　林：聽講，系阿根廷的時候，戲未拍完，你趕住返香港搞演唱會，佢地留你，你話無時間，最后，你提出補水五十萬，至俾多咗期佢地…佢地當(dāng)時諗：你張國榮唔系無期吖，不過想補水……。

　　張：無件咁嘅事(但面有不悅之色，咖啡竟倒在餐巾上，很有儀態(tài)的張國榮，這是罕見的。)你邊度聽來？好易啫，可以叫佢將賬目攤開來睇o架，我有攞呢筆錢，實有賬目。你信佢地唔會俾我現(xiàn)金的啦。(辣士里一邊抹去桌上的咖啡，一邊向我解釋。因為他的激動，令我以為佢系掩飾果五十萬的事，不過，后來查問過，張國榮并無多收王家衛(wèi)五十萬補水。)

　　拒義子進(jìn)娛圈

　　張：你知我當(dāng)初點解肯拍《春光乍泄》嘛，你知王家衛(wèi)系點同我講的嘛？佢話想拍－部同性戀的電影，太多的同性戀電影歪曲咗同性戀，佢想拍一部，用正面的角度去探討。我話你咁鐘意金城武，點解唔用金城武？佢解釋話，想拍一部香港人的同性戀電影，我至應(yīng)承佢。不過，后來佢都無做到，佢用咗張震，總之，我唔理佢咁多方法拍，我系乜野講到明，佢系明明想?yún)?，講成另一樣，等你以為系咁。

　　林：辣士里呀，你做乜煞有介事咁收個契仔呀？你怕百年歸老無人擔(dān)幡買水，故收個義子來供書教學(xué)呀？

　　張：我細(xì)個時無嘅野，大個咗好想俾到人，就系親情。阿正呢個仔好乖，讀書又叻，佢好聽我話，我無收錯佢。我真系供書教學(xué)o架，佢一年返香港三次，幾幸福呀，我系英國讀書時，幾難得至返來一次。

　　林：阿正依加成六呎高，又靚仔有型，會唔會入娛樂圈呢？

　　張：張國榮義子咁名義咯喎？唔俾，唔俾入娛樂圈。

　　林：人地親生仔，爹地媽咪都未敢話唔俾？你不過是義父，咁霸道？

　　張：讀得書，點解唔讀書呀？讀得書，唔使入娛樂圈。

　　林：從而可知，縱使是天王巨星，亦有一篇娛樂圈血汗史。

　　往柏林做評判

　　(褟嘉珍到，拿來一個英文的電影劇本。本來不打算去柏林影展做評判的張國榮，不知是否是受我林某一番話影響，竟同褟嘉珍討論起檔期來。最后，期好似度掂，張決定去柏林，并對小清說會去英國探望義子，并同埋佢一齊去睇歌劇。)

　　張：(對禢嘉珍)你做監(jiān)制指那部由葉纓執(zhí)導(dǎo)的暫名《紅色戀人》的電影)，我至接的咋。

　　(禢說：嚇？咁要同爾冬升講嚇啦。因為爾也在籌備開戲，亦褟嘉珍監(jiān)制。)

　　林：爾冬升將會拍咩野戲呀？

　　(褟說是關(guān)于日本幫會的，現(xiàn)正在做資料搜集。)

　　張：(很愉快同自信的掹嚇手)男主角又系我添。

　　林：哥哥，你搬去加多利山，D傳媒又如影隨形咁追蹤你到加多利山。你的感覺系點呀？會唔會覺得好討厭呀？

　　張：無所謂，如果唔系黎某英，佢地?fù)嫷禺a(chǎn)入屋影咗我屋企，我未必咁快賣咗間屋。間屋賣咗賺咁多，我都要多謝黎某英啦。（不給過審，所以名字不全打，??日報就他搞的，非常針對哥哥，經(jīng)常亂寫哥哥私事。他帶壞了傳媒風(fēng)氣，為人缺德）

　　演戲無關(guān)身材

　　林：再問你一個問題，你成日話唔去荷李活拍片，又話佢地去到荷李活，拍親都重復(fù)舊時，應(yīng)該拍D荷李活無嘅，有中國特色的，你估同你人仔細(xì)細(xì)，唔夠大件頭，拍埋去D鬼處，唔夠件頭，唔夠好睇有無關(guān)連呢？

　　張：唔夠件頭？林冰，演戲喎，你估段秤呀？你知唔知湯告魯斯有幾矮呀？你知羅拔烈福拍《俏郎君》同巴巴拉史翠珊平行，要挖條坑俾巴巴拉史翠珊行嘛？德斯汀荷夫曼、阿爾柏仙奴又有幾矮嘛。林冰，演戲唔系講件頭嘅，系講呢度(用手將自己個頭，上、下、左、右圈咗一個圈來示意，帶著激動的，冰姐，霎時間也變了林冰，林冰。)

　　林：(我鐘意張國榮，因為佢有呢份激動，但時常口講心果句。時常暴露內(nèi)心世界，都是我喜歡的。)