上次介紹過王晶搵譚詠麟拍賭片，將譚詠麟塑造成賭術高手，除咗《至尊計狀元才》外，仲有一套就係《至尊無上》。而《至尊無上》呢套電影，就被譽為王晶最有深度電影。

《至尊無上》係1989年上映嘅電影，由譚詠麟、劉德華、陳玉蓮、關芝琳主演。故事講一對老千拍檔羅森同阿蟹（譚詠麟同劉德華飾演）幫美國賭場解決咗日本一幫老千，結果惹嚟殺身之禍。羅森就想做返正行，但一次被追殺中阿蟹用手擋刀救咗佢一命，但阿蟹就失去咗出千嘅能力。後嚟阿蟹因為一次千咗日本黑幫太子爺，結果被殺。羅森為咗報仇，不適出賣最愛嘅人為兄弟報仇。至尊無上呢個名，唔係指賭術去到最高，而係講兄弟手足之情，即係義氣。

王晶響呢套戲展現(xiàn)出個種對友情嘅推崇可以話係極致，為咗兄弟可以將自己生命最寶貴嘅嘢犧牲，而為咗幫兄弟呢個仇就連自己同最愛嘅人都出賣，當然拍戲就誇張咗啲，但成套戲個佈局同意境就同王晶其他電影完全唔同。即使王晶響十幾年用返同一條橋拍《賭聖3之無名小子》，但明顯被比下去。而從《至尊無上》呢套電影，其實可以見到王晶係一個幾有深度嘅人。