英國傳教士：英為霖翻譯

常ならむ抄錄

第一章

? ? 我辜蘇西歷一千六百三十二年，英國約城出世，父親名叫辜蘇，本系別國嘅人，喺英國造生意，因此居住好耐，后來取英國女子盧邊信氏為妻，所以稱我名為辜蘇。我父親系公道嘅人，好大生意，我有兩個大佬，個大嘅當兵，共西班牙人打仗，被佢打死，個第二嘅出外，毋知佢生死，我系至細嘅，因為父親產(chǎn)業(yè)甚多，故此我年紀將近二十歲，都毋肯學事業(yè)，父親想我學造狀師，望將來得尊貴嘅職，但系我至喜歡出外游玩，時常自己話，父親雖然要我學上等事業(yè)，但我毋想，母親亦屢次勸我，但我主意必要去游玩嘅咯，又思想下，我父親系聰明聰明正直嘅人，冇亂講說話?，獨系我想出去游玩箇件事，佢不歇阻我，毋準我去，后來父親有病，叫我行埋面前，對我話：“仔呀，你想出外有乜益呢，喺屋企有事可以照應，若系出外，就容易學壞，因噉作惡犯罪嘅，亦毋少，你喺屋企守分造事，亦可以發(fā)財而且親戚朋友，大眾聚埋一處極之快活，你若系必要出外，實在毋聽父親話咯，毋論喺邊處地方，有好人，亦有毋好人，若話出外，怕未必盡系好人，人系有大多錢財，佢嘅憂慮是必多，我家中如今得飽暖，亦可以過得去，你喺屋企好食好著，冇憂冇慮，仲話毋安樂咩，何必出外呢，父親又??好多說話嚟勸我，又講起大哥嘅事，話佢因毋聽話，定要當兵，致到被槍“石駁”打死，你若系真正毋聽我話，將來必有悔恨，但父親雖然系有心講出呢啲說話，實系后來嘅應驗，父親共我講及大哥嘅事，箇陣時滿面眼淚，我心亦見赑屃，故此當時立定主意，依父親嘅說話，從此毋想出外咯，誰知過兩三日之后，個心忽然改變，毋記得父親嘅吩咐，因想出外嘅心，好似先日一樣，我想毋出聲，靜靜去，但個心毋忍得，故此去到母親處話，父親叫我學狀師，毋合我心，怕嘥時候，又嘥錢財，求你勸父親畀我出外一次，嚟試下點樣，若系毋好就依從父親話喇，母親聽聞我噉話，轆起雙眼，睇住我話，你想我??你出門嘅事，勸你父親咩，系枉費唇舌呮，你若系出門，必定有毋好嘅事做出，我就兩三賬求佢，究竟母親有愛仔嘅心，應承肯話過父親知，但毋肯勸佢，我父親聽聞母親講，就嘆息話，我嘅仔喺屋企，可以做好人，若出外，必定有非常嘅患難，我實在毋準，誰知日子過得好快，不覺又上下一年咯，因為不能出外，致到極之赑屃，偶然一日行到海邊，遇著一個朋友，搭佢父親嘅船，上倫敦城，佢請我同埋去，毋使水腳，我一聽聞呢啲說話，正合心水，故此毋對父母話，就私下上船，箇日系一千六百五十一年，九月初一日咯，開船之后，初七日逆風，毋駛得船，就灣泊箇處幾日，但覺風漸漸大，到第八日越發(fā)關系，晏晝時候，見咁大波浪打過船面，即時拋多一個錨，及到挨晚，又斬去兩枝桅，望只船定啲，毋會咁逳，誰知后來仲更交關，我了不得咁慌，箇啲水手亦估系絕望咯，到半夜，有人落去艙底睇下，見已經(jīng)入水有四尺深，眾人快啲用機器“抯”去箇啲水，叫我?guī)褪?，點估箇啲水一自“抯”一自多起上嚟，怕必會沉咯，故此船主不歇燒炮，招人拯救，離冇遠，有一只船，使一只三板嚟救我地，但系呢啲功夫十分危險，極難做嘅，好彩箇啲人毋顧自己嘅生命，極之落力，救我地各人，落佢三板，冇耐見箇只大船就沉咯，我地喺箇只三板處，想埋去救我箇只大船處，因浪大如山，總毋埋得，噉就掉到岸邊，各人上岸，箇處啲人，待我地極好，樣樣事得佢照應。

注：箇（go3）